പൃഥ്വിരാജ് വിവാഹിതനായി; വധു മേനോന്‍ തന്നെ!


More Photos....

യുവസൂപ്പര്‍താരം പൃഥ്വിരാജ് തിങ്കളാഴ്ച രാവിലെ വിവാഹിതനായി. പാലക്കാട് സ്വദേശിനി സുപ്രിയാ മേനോന്‍ ആണ് വധു. മുംബൈയില്‍ മാധ്യമപ്രവര്‍ത്തകയാണ് സുപ്രിയ. പാലക്കാട് തേന്‍‌കുറുശ്ശി കണ്ടാത്ത് ഹെറിറ്റേജ് വില്ലയില്‍ വച്ചായിരുന്നു വിവാഹം.


എന്നാല്‍ ചടങ്ങിന് മാധ്യമപ്രവര്‍ത്തകരെ ആരെയും പ്രവേശിപ്പിച്ചില്ല. വിവാഹത്തിന്റെ ഒരുക്കങ്ങളും മറ്റും അതീവരഹസ്യമായാണ്‌ നടത്തിയത്‌. എന്നാല്‍ പൃഥ്വിരാജിന്റെ വിവാഹം മെയ് ഒന്നിന് പാലക്കാട്ട്‌ വെച്ച്‌ നടക്കുമെന്നാണ് അമ്മ മല്ലിക സുകുമാരന്‍ മാധ്യമങ്ങളോട് പറഞ്ഞിരുന്നത്. പൃഥ്വിയുടെ വിവാഹം സംബന്ധിച്ച് ഊഹാപോഹങ്ങളുടെയും സസ്പന്‍‌സിന്റേയും ആവശ്യമില്ലെന്നും ഇക്കാര്യം ഞങ്ങള്‍ തന്നെ മാധ്യമങ്ങളോട് വെളിപ്പെടുത്തുമെന്നും മല്ലിക പറയുകയുണ്ടായി. അമേരിക്കയിലുള്ള, പൃഥ്വിയുടെ അമ്മാവന്‍ ഡോ എം വി പിള്ള നാട്ടിലെത്തിയതിന് ശേഷമാണ് അന്തിമ തീരുമാനമെടുക്കുകയെന്നും അവര്‍ പറഞ്ഞിരുന്നു.


ഒരു പത്രപ്രവര്‍ത്തകയുമായി പൃഥ്വിരാജ് പ്രണയത്തിലാണെന്ന് മാധ്യമങ്ങള്‍ മുമ്പുതന്നെ റിപ്പോര്‍ട്ട് ചെയ്തിരുന്നു. ഡല്‍‌ഹിയില്‍ എന്‍‌ഡി‌ടിവിയില്‍ പത്രപ്രവര്‍ത്തകയായ പ്രതീക്ഷാ മേനോന്‍ ആണ് പൃഥ്വിരാജിന്റെ കാമുകി എന്നായിരുന്നു മാധ്യമ കണ്ടെത്തല്‍. ഇത് വാസ്തവവിരുദ്ധമാണെന്ന് പൃഥ്വിരാജ് പറയുകയും ചെയ്തിരുന്നു. എന്നാലിപ്പോള്‍ പൃഥ്വിയുടെ വധുവായിരിക്കുന്നത് മാധ്യമ പ്രവര്‍ത്തകയായ ഒരു ‘മേനോന്‍’ തന്നെ. എന്നാല്‍ ജോലി ചെയ്യുന്ന സ്ഥലവും ആദ്യപേരും മാത്രമാണ് തെറ്റിയിരിക്കുന്നത്. തന്റെ വിവാഹം എല്ലാവരെയും അറിയിച്ച ശേഷം മാത്രമായിരിക്കുമെന്നും തന്നെ കെട്ടിച്ചുവിടാന്‍ ആര്‍ക്കാണ് ധൃതിയെന്നും പൃഥ്വിരാജ് ചോദിച്ചിരുന്നു.

വിവാഹത്തോടനുബന്ധിച്ച് പൃഥ്വിരാജ്‌ കൊച്ചിയില്‍ വാങ്ങിയ ഫ്‌ളാറ്റിന്റെ ഗൃഹപ്രവേശം ഈയിടെയായിരുന്നു. ഈ ചടങ്ങും രഹസ്യമായാണ് നടന്നത്. അതേസമയം വിവാഹസല്‍ക്കാരത്തിനായി കൊച്ചിയിലെ ലേ മെറിഡിയന്‍ ഹോട്ടലിലെ ഹാള്‍ മെയ്‌ ഒന്നിലേക്ക്‌ ബുക്ക്‌ ചെയ്‌തിട്ടുണ്ട്‌. സിനിമാലോകത്ത്‌ നിന്നുള്‍പ്പടെ രണ്ടായിരത്തോളം പേരെ സല്‍ക്കാരത്തിലേക്ക്‌ ക്ഷണിക്കുന്നുണ്ടെന്നാണ് സൂചന.

സന്നിധാനന്ദന്‍ വിവാഹിതനായി



തയ്യൂര്‍ ചെങ്ങഴിക്കോട് നാരായണന്റെയും തങ്കമണിയുടെയും മകനും ഗായകനുമായ സന്നിധാനന്ദനും കോട്ടയം പനച്ചിക്കാട്ട് വെള്ളിയാത്തേല്‍ രാജന്റെയും രാജമ്മയുടെയും മകള്‍ ആഷയും തയ്യൂര്‍ ലോകരത്തിക്കാവ് ഭഗവതീക്ഷേത്രത്തില്‍ വിവാഹിതരായി.

ഏഷ്യാനെറ്റ് പ്രക്ഷേപണം ചെയ്ത ‘സ്റ്റാര്‍ സിംഗര്‍’ റിയാലിറ്റി ഷോയിലൂടെ മലയാളികളുടെ മനം‌കവര്‍ന്ന ഗായകന്‍ സന്നിദാനന്ദന്‍ വിവാഹിതനായി. കോട്ടയം പനച്ചിക്കാട്ട്‌ വെള്ളിയാത്തേല്‍ രാജന്റെയും രാജമ്മയുടെയും മകളായ ആഷയാണ് വധു. സന്നിദാനന്ദന്റെ ഇഷ്ടദൈവമായ ‘ലോകരത്തിക്കാവ് ഭഗവതി’യുടെ ക്ഷേത്ര നടയ്ക്കല്‍ വച്ച് ശനിയാഴ്ച രാവിലെ ശുഭമുഹൂര്‍ത്തതിലാണ് വിവാഹം നടന്നത്. സുഹൃത്തുക്കളുടെയും ബന്ധുക്കളുടെയും സാന്നിധ്യത്തിലായിരുന്നു വിവാഹം.

സ്പെഷല്‍ എഡ്യുക്കേഷനില്‍ ബിരുദമെടുത്തു വടക്കാഞ്ചേരി ബിആര്‍സിക്കു കീഴിലുള്ള സ്കൂളില്‍ അധ്യാപികയാണ്‌ ആഷ‍. നെടുങ്കുന്നം കോളേജില്‍ ആഷ‍ ബിരുദപഠനം നടത്തുമ്പോഴാണ്, സന്നിധാനന്ദന്‍ കോളേജിലെ യുവജനോത്സവത്തിന് ഗാനമേള അവതരിപ്പിക്കാന്‍ എത്തിയത്. സന്നിധാനന്ദന്റെ ‘ഫാന്‍’ ആയിരുന്ന ആഷ പരിചയപ്പെടാന്‍ എത്തി. ആ പരിചയമാണ് വിവാഹത്തില്‍ കലാശിച്ചത്.

തയ്യൂര്‍ ചെങ്ങഴിക്കോട്‌ നാരായണന്റെയും തങ്കമണിയുടെയും മകനാണ് സന്നിധാനന്ദന്‍. പാവപ്പെട്ട കുടുംബത്തില്‍ ജനിച്ചുവളര്‍ന്ന സന്നിധാനന്ദന്‍ ഏറെ കഷ്ടതകള്‍ക്കിടയില്‍നിന്നാണ്‌ ഏഷ്യാനെറ്റിലെ സ്റ്റാര്‍ സിംഗര്‍ റിയാലിറ്റിഷോയില്‍ എത്തിപ്പെട്ടത്. സന്നിദാനന്ദന്റെ പാടാനുള്ള കഴിവും എളിമ നിറഞ്ഞ പെരുമാറ്റവും സ്റ്റാര്‍ സിംഗര്‍ എന്ന റിയാലിറ്റി ഷോയെ മലയാളികള്‍ക്ക് പ്രിയപ്പെട്ടതാക്കി.

ഇതിനകം, നിരവധി സിനിമാഗാനങ്ങള്‍ ആലപിച്ചുകഴിഞ്ഞിട്ടുണ്ട് സന്നിധാനന്ദന്‍. ആദ്യഗാനം മോഹന്‍ സിതാരയുടെ സംഗീതസംവിധാനത്തില്‍ സ്വര്‍ണം എന്ന ചിത്രത്തിലെ ചന്ദ്രശേഖര നന്ദന എന്ന ഗാനമാണ്‌. എം ജയചന്ദ്രന്‍ സംഗീതം നല്‍കിയ ലിവിംഗ്‌ ടുഗെതര്‍ എന്ന ചിത്രത്തിലെ ഗാനവും തമിഴില്‍ റോണി റാഫേല്‍ സംഗീതം ചെയ്ത ആര്‍വം എന്ന ചിത്രത്തിലെ ഗാനവുമാണ്‌ ഏറ്റവും പുതിയത്‌. ഇടയ്ക്ക്‌ ഒരു ടിവി പരമ്പരയിലും സന്നിധാനന്ദന്‍ അഭിനയിച്ചിട്ടുണ്ട്.




 Read more



Share

Twitter Delicious Facebook Digg Stumbleupon Favorites More